Додај свој спин!

Денис Бојаров


Денис Бојаров е роден на 4 јуни 1987 година во Штип. Основното и средното образование ги завршува во Радовиш, а високото во ФЛФ „Блаже Конески“ – Скопје, на Катедрата за македонски јазик и јужнословенски јазици.

Во последните петнаесетина години живее во Скопје и активно работи како преведувач од турски на македонски јазик и обратно во здружението „Румели Чичеклери – здружение за наука и култура – Скопје“, лектор е по македонски јазик, предава приватни часови по македонски на странци и е еден од авторите на Дигиталниот речник на македонскиот јазик. Вљубеник е во книгата и книжевниот свет и честопати пишува свои осврти и видувања за прочитаните книги, кои неретко се објавувани и во списанија и весници. Неговите писанија се ценети и високо вреднувани и од издавачките куќи во Македонија.

Меѓу другото, учествува на повеќе книжевни читања и е добитник на десет награди, од кои најмногу се радува на првата награда и трофеј за прво место за поетската творба „Афродита“ на литературната манифестација „Охридијада, 2018“; Прва награда за најдобра поетска творба под наслов „Љубовта е најубава“ на поетската манифестација „Гордана Коцева, 2019“; Награда за убав стил на пишување поезија на литературната манифестација „Охридски бисер на поезијата, 2019“ и диплома за најдобар расказ под наслов „Нека играат децата“ на меѓународната манифестација за литература, уметност и култура „Планетопија, 2019“.

Автор е на збирката раскази „Нека играат децата“, во издание на Антолог.

Книги


Ема од VIIIA

Осмоодделенката Ема поради непријатни ситуации се преместува во училиштето на својот најдобар другар Филип. Колку и да се труди, таа не успева да ги надмине проблемите и ги носи со себе и во новото училиште. Но, вистинскиот проблем доаѓа кога таа се зближува со Филип...

Објавено поглавје

Прашај го авторот